Sağlam həyat gözləntisi əsas şərtlərdəndir

Sağlam həyat artıq lüks deyil və dünyada 4,5 trilyon dollarlıq iqtisadiyyata çevrilib, sürətlə böyüməyə davam edir. Bu böyüyən bazarda yer almaq üçün brendlər öz məhsul çeşidlərini müştərilərinin sağlam həyat gözləntilərinə cavab verəcək dizaynlarla diversifikasiya etməlidirlər.

Ogilvy-nin dünya miqyasında apardığı araşdırmaya görə, yaxşı həyatın əhəmiyyəti artır. Sağlam həyat axtarışı həm şirkətlər, həm müştərilər, həm də istifadəçilər üçün yeni gözləntilər, yeni hədəflər və yeni üfüqlər açır, eyni zamanda yeni brendlər, yeni məhsullar, yeni iş sahələri və yeni təcrübələri ruhlandırır. Sorğuda iştirak edən istifadəçilərin 77%-nin yaxşı həyatın onlar üçün çox vacib olduğunu bildirməsi şirkətləri bu axtarışa uyğun strategiyalar hazırlamağa vadar edir. Çünki istehlakçılar, xüsusən də keçdiyimiz pandemiya şəraitində yaxşı yaşamaq baxımından brendlərdən vahid anlayış və təcrübə istəyirlər.

Sağlam həyat təkcə yemək və ya idmanla məhdudlaşmır. Sağlam həyat anlayışı insanları və markaları daha sosial və daha yaxşı bir məqsədə cəmləməyə vadar edir. Yəni əvvəlki kimi fərdilikdən, hətta eqoistlikdən uzaqlaşıb, cəmiyyətin rifahını düşünmək lazımdır. Sağlam həyatı əhatə edən brendlərdən təkcə sosial, məqsədyönlü və mənəvi aləmə yönəlmə deyil, həm də fiziki dünyanı yaxşılaşdırılması gözlənilir. Bu səbəbdən sağlam həyatı mənimsəyən markalar, istifadəçilərinin daha sağlam olmasını təmin edəcək sadə, faydalı, erqonomik və davamlı dizayn və yanaşmalara müraciət edirlər.

Ev ofislərinin daha çox təcrid olunmuş vəziyyətdə işləməli olan və ya pandemiya səbəbindən evdə işləməli olan ofislər üçün sağlam həyat anlayışı ilə dizayn edilməsi və istifadəçilərin çətin proses zamanı fiziki cəhətdən daha rahat olmasını təmin etmək vacibdir. Bu məqsədlə iş qrupu, masa , ev-ofis məhsulları və saxlama variantları kimi hər cür ofis materiallarının bəsit və sadə materiallardan istifadə edilməklə sadə, rahat, erqonomik və davamlı olması son dərəcə qiymətlidir . Sağlam bir həyat hissi ilə dizayn edilən ofis mebelləri həm markaların işçilərin və istifadəçilərin gözündə yeri baxımından, həm də sağlam iş mühiti təmin etmək baxımından əhəmiyyətlidir.

Pandemiya bizə yaxşı yaşamağın vacibliyini bir daha göstərdi. Aydındır ki, sağlam həyatı dəstəkləyən dizaynlar təkcə evlərimizdə və ya ofislərimizdə deyil, həm də ümumi ərazilərin olduğu hər yerdə seçilməlidir.

Göründüyü kimi, istifadəçilər özlərini yaxşı, sağlam və rahat hiss edən dizaynlara meyllidirlər və markaları bu istiqamətdə dəyişməyə məcbur edirlər. Daha sağlam yaşamaq və daha yaxşı hiss etmək istəyənlər üçün dizayn getdikcə daha əhəmiyyətli görünür.