İnsan dizaynın mərkəzindədir

Son bir neçə ildə ofis dizayn tendensiyaları işçilərin ehtiyaclarına diqqət yetirərək müştəriləri heyran etməyə və ya CEO-nun eqosunu yüksəltməyə xidmət edən parlaq məkanlardan uzaqlaşdı.

İndi iş yerləri işçilərin həqiqətən vaxt keçirmək istədikləri məkan yaratmaq üçün nəzərdə tutulub. Ən son ofis dizaynları işçilərə funksional bir yer olmaqdan əlavə, unikal, vahid və ruhlandırıcı təcrübə təqdim etməyi hədəfləyir.

İnsan yönümlü yanaşmanın indiki qədər qabarıq olmadığı, hətta demək olar ki, diqqətdən kənarda qaldığı dövrlərə nəzər saldıqda, insanlara rəğmən çox işlər görülüb. 1990-cı illərin əvvəllərində ortaya çıxan və son 10 ildə daha geniş tətbiq edilən insan yönümlü dizaynda dizayn prosesinin hər mərhələsində istifadəçilərin istək və ehtiyacları nəzərə alınır.

İşçilərin günlərinin çoxunu iş yerlərində keçirdiklərini nəzərə alsaq, insan yönümlü dizayn daha çox əhəmiyyət kəsb edir. İşçilərin ehtiyac və gözləntilərini qarşılayacaq iş yerlərinə uyğun iş kresloları, ofis mebelləri və ya oturma qruplarının dizaynı insan yönümlü yanaşmanın nəticəsidir. Çünki insan yönümlü dizayn hər hansı bir məhsulun hazırlanması zamanı istifadəçilərin ehtiyaclarının ön planda tutulduğu dizayn prosesidir.

İnsan yönümlü dizaynın məqsədi istifadəçilərin real ehtiyaclarını aşkar etmək, onların həyatını asanlaşdıran, gündəlik problemlərini həll edən və onları xoşbəxt edən məhsullar - iş kresloları kimi inkişaf etdirməkdir . Bu nöqtədə müştəriləri dinləmək, onların təcrübə və ehtiyaclarını öyrənmək məhsulun dizayn prosesinin növbəti mərhələsində öyrənilənlərə uyğun idarə olunmasını və onun mühitinə, məqsədinə və istifadəçisinə uyğun olmasını təmin edir.

İstifadəçisini daha yaxşı tanıyan dizayner həmişə daha çox bəyənilən və istifadəçini qane edən məhsul yaradır. Müsbət istifadəçi təcrübəsi sayəsində həyat dövrü uzanan məhsul isə istehsalçıya daha çox maliyyə qazancı gətirir. İstifadə zamanı məhsulun yaratdığı məmnunluq istifadəçinin məhsula sadiqliyini təmin etməklə yanaşı, brendə sədaqətini də artırır.

Müştərinin ehtiyac və gözləntilərinə uyğun olaraq hazırlanmış insan yönümlü dizayn məhsul satışını, yeni müştəri əldə etmə sürətini və qarşılıqlı əlaqəni artırır. Məhsulun keyfiyyətini yüksəltməklə yanaşı, istifadəçinin məhsula alışma və öyrənmə vaxtını da qısaldır.

İnsan yönümlü dizayn, istifadəçilərin ehtiyaclarını tam şəkildə ödəməyi hədəfləyən son istifadəçi üçün deyil, son istifadəçi ilə "birlikdə" dizayn edir.